एक्लिँदै डा. भट्टराई : नेता सिंहद्वारा राजनीतिक सम्बन्ध बिच्छेद गरेको घोषणा

काठमाडौँ, १९ साउन । नेपाल समाजवादी पार्टीमा डा. बाबुराम भट्टराई एक्लिँदै गएका छन् ।

नयाँ शक्ति बनाएदेखि सँगै रहेका प्रशान्त सिंहले पनि डा भट्टराईको साथ छाडेका हुन् । उनी जसपाको केन्द्रीय सदस्य समेत हुन् । डा भट्टराईले नयाँ शक्ति बनाएदेखि सिंहले महत्त्वपूर्ण जिम्मेवारीमा रहेर सहयोग गर्दै आएका थिए ।

उनले सामाजिक सञ्जालमा लेखेका छन्, ,‘म पूर्व प्रधानमन्त्री डा. बाबुराम भट्टराईसंग राजनितिक रुपले सम्बन्ध बिच्छेद गरेको घोषणा गर्दछु । म उहा तथा मेरा अग्रज तथा समकक्षीहरुद्वारा मलाई नयाँ शक्ति पार्टी तथा जनता समाजवादी पार्टीका विभिन्न जिम्मेवारी (पूर्ण पदहरुमा बस्दा दिइएको सहयोगका लागि धन्यवाद दिन चाहन्छु। म डा.भट्टराईद्वारा निर्मित भइरहेको नया पार्टी (सम्भवतः नेपाल समाजवादी पार्टी) मा नबस्ने निर्णयमा पुगेको छु । आउने दिनहरुमा नेपाल भित्र ‘सफा’ र परिणाममुखी राजनीतिको निर्माण तथा विकासमा म आफ्नो बल र क्षमताले पुगे सम्मको प्रयास गरी रहनेछु । धन्यवाद ।’