विषादी सेवन गर्दा एक जनाको मृत्यु

पाल्पा, २८ भदौ । जिल्लाको रिब्दीकोटमा विषादी सेवनबाट एक जनाको मृत्यु भएको छ ।

जिल्ला प्रहरी कार्यालय पाल्पाका अनुसार रिब्दीकोट गाउँपालिका वडा नं. ५ देविडांडा निवासी ५५ वर्षका सन्ते भनिने मेखबहादुर खड्काले उपियाँ मार्न प्रयोग गरिने विषादी सेवन गर्दा मृत्यु भएको हो ।

सोमबार बेलुका ६ बजे विषादी सेवन गरेका खड्कालाई प्रहरीले उद्दार गरी पाल्पा अस्पतालमा लगेको तर राति ८ बजे उनको मृत्यु भएको अस्पतालले घोषणा गरेको हो । घटनाको थप अनुसन्धान भइरहेको प्रहरीले जनाएको छ ।