सुशान्तमा आधारित फिल्म ‘न्याय’ विवादमा

मुम्बई, २ भदौ । तीन वर्षअघि दिवंगत अभिनेता सुशान्त सिंह राजपूतमाथि फिल्म ‘न्याय’ बनेको थियो । सुशान्तका पिता केके सिंहले फिल्मको प्रदर्शनविरुद्ध दिल्ली उच्च अदालतमा पुनरावलोकन याचिका दायर गरेका छन् । केके सिंहले आफ्नो छोराको गोपनीयतामा चोट पुर्‍याएको भन्दै मुद्दा दायर गरेका छन् ।

अदालतले उनको याचिका स्वीकार गर्दै फिल्मका निर्मातालाई नोटिस पठाएको छ । जुलाई २०२३ मा दिल्ली उच्च न्यायालयको एकल बेन्चले केके सिंहको याचिका खारेज गरेको थियो। त्यसपछि केके सिंहले यस निर्णयविरुद्ध पुनरावलोकन याचिका दायर गरे। अब अदालतले उनको पुनरावलोकनलाई संज्ञानमा लिएको छ ।

न्यायाधीश यशवन्त वर्मा र न्यायाधीश धर्मेश शर्माले एकल इजलासको निर्णयलाई चुनौती दिएका छन् । यसका साथै फिल्मका निर्माताले यस विषयमा जवाफ पनि मागेका छन् । केके सिंह सुशान्तमाथि बनेको फिल्म जनतासामु देखाइयोस् भन्ने चाहँदैनन् । नवभारत टाइम्सको रिपोर्टअनुसार सुशान्तका वकिल वरुण सिंहले अदालतमा भनेका छन्, ‘फिल्मले उनको परिवारका सदस्यको गोपनीयताको उल्लङ्घन गरेको छ । कुनै पनि व्यक्तिलाई आफ्नो गोपनीयतामा चोट पुर्‍याउने अधिकार छैन ।’