पोखरामा जीप दुर्घटना

पोखरा, १८ चैत । कास्कीको अन्नपूर्ण गाउँपालिकामा आइतबार जीप दुर्घटना हुँदा दुईजनाको मृत्यु भएको छ ।

प्रहरीका अनुसार अन्नपूर्ण–४, भदौरे देउरालीनजिक थामडाँडा घुम्तीमा पोखराबाट सल्यानतर्फ जाँदै गरेको ग१ज ५५४७ नम्बरको जीप दुर्घटना भएको हो । जीप सडकबाट करिब २५० मिटर तल खसेको छ ।

जीपमा सवार १० जनाको जीवितै उद्धार गरिएको छ । मृतकको पहिचान खुल्न बाँकी छ । जीपमा थप व्यक्ति पनि हुन सक्ने आशंकासहित खोजीकार्य जारी राखिएको प्रहरीले जनाएको छ ।