रीतिरिवाजले सामाजिक सद्भाव अभिवृद्धि गर्छ: सभापति देउवा

काठमाडौँ, ९ असोज । नेपाली कांग्रेसका सभापति शेरबहादुर देउवाले विविधताले भरिएको हाम्रो समाजमा गर्व गर्न लायक अनेकन धार्मिक सांस्कृतिक रीतिरिवाज र परम्परा रहेको बताएका छन् । 

बुधबार जितिया पर्वका सन्दर्भमा शुभकामना सन्देशमार्फत् सभापति देउवा जितिया पर्वको अवसरमा सम्पूर्ण थारू महिला दिदीबहिनीमा सुख, शान्ति एवं समृद्धिको शुभकामना व्यक्त गरेका छन् । सभापति देउवाले धर्म, संस्कृति, रीतिरिवाज र परम्पराको संरक्षणमा लाग्न र सामाजिक सद्भाव अभिवृद्धि गर्न सबैलाई प्रेरित गर्न सकोस् भनी कामना गरेका छन् । 

जितिया पर्वले जनजीवनमा गहिरो छाप र विशिष्ट पहिचान बनाएको सभापति देउवाको भनाइ छ । यो पर्व नेपालको तराईमा विशेष गरेर थारू महिलाले निराहर व्रत बसेर परिवारका सदस्यको स्वास्थ्य तथा दीर्घायुको कामना गर्दै मनाउने गरिन्छ ।