पूर्वराजा शाहले शुभेच्छुकलाई विजया दशमीको टीका लगाइदिने

काठमाडौँ, १८ असोज । पूर्वराजा ज्ञानेन्द्र शाहले विजया दशमीका दिन निर्मल निवासमा शुभेच्छुक तथा सर्वसाधारणलाई टीका लगाइदिने भएका छन् । 

संवाद सचिवालयले दिएको जानकारी अनुसार  पूर्वराजा शाह र पूर्वारानी कोमल शाहले विजय दशमीका दिन अपराह्न ४ बजे शुभेच्छुक तथा सर्वसाधारणलाई टीका लगाउनेछन् । पूर्वराजा शाह हाल भुटान भ्रमणमा रहेका छन् । उनी आइतबार स्वदेश फर्किने कार्यतालिका रहेको छ ।