नेप्से परिसूचक ५८ अंकले घट्यो

काठमाडौँ, ५ कार्तिक । आज सेयर बजार (नेप्से) परिसूचक ५८ अंकले घटेको छ । 

५८ अंकले बजार बजार घट्दा परिसूचक २६४० बिन्दुमा ओर्लिएको छ । समग्रमा १ करोड ३८ लाख कित्ता सेयर खरिदबिक्री हुँदा ५ अर्ब ९० करोड ७ लाख रुपैयाँ बराबरको कारोबार भएको छ । आइतबार ४७ अंकले बजार घट्दा पनि ८ अर्ब १८ करोडको कारोकार भएको थियो । 

सोमबार २२१ कम्पनीको मूल्य घट्दा २३ कम्पनीको मात्रै मूल्य बढेको छ । विन नेपाल लघुवित्त र कर्पोरेट डेभलप्मेन्ट बैंकको सेयर मूल्य ९.९८ प्रतिशतले बढ्यो । कारोबार रकमका हिसाबले सोमबार हिमालयन रिइन्स्योरेन्स लिमिटेड शीर्ष स्थानमा छ । यसको २२ करोड ३ लाख रुपैयाँको सेयर खरिदबिक्री भएको छ । सोमबार नेप्सेमा सूचीकृत सबै उपसमूहको सूचक घटेको छ ।