छोराद्वारा बुबाको हत्या

रुकुम पश्चिम, १० मंसिर । रुकुम पश्चिममा छोराले बुबाको हत्या गरेका छन् ।

जिल्ला प्रहरी कार्यालय रुकुम पश्चिमका अनुसार जिल्लाको आठबीसकोट नगरपालिका–१०, घारीखोलाका २० वर्षीय वीरबहादुर खत्रीले ५० वर्षीय बुबा दर्वे खत्रीको हत्या गरेका हुन् । 

आइतबार साँझ वीरबहादुरले चक्कु प्रहार गरेर आफ्नै बुबाको हत्या गरेको हो ।  बुबाको हत्या गर्ने वीरबहादुर फरार छन् । फरार वीरबहादुरको खोजीका लागि इलाका प्रहरी कार्यालय आठबीसकोटका प्रहरी निरीक्षक गणेश खनालको कमान्डमा १० प्रहरी परिचालन गरिएको छ । घटनाको कारण भने नखुलेको प्रहरीले जनाएको छ ।