अमेरिकाको एक स्कुलमा गोली चल्दा तीन जनाको मृत्यु

एजेन्सी, २ पौष । अमेरिकाको विस्कन्सिनमा रहेको एक स्कुलमा गोली चल्दा तीन जनाको मृत्यु भएको छ भने ६ जना घाइते भएका छन् ।

शहरका प्रहरी प्रमुख शोन बार्नेसले विस्कन्सिन राज्यको राजधानी म्याडिसनमा रहेको एम्बुन्डेन्ट लाइफ क्रिश्चियन स्कुलमा भएको गोलीबारीमा मारिनेमा एक संदिग्ध किशोर समेत रहेका छन् । 

अधिकारीहरु घटनास्थल पुग्नुभन्दा पहिल्यै आक्रमण गर्ने संदिग्ध मारिएको र जो स्कुले छात्र समेत रहेको बताइएको छ । प्रहरीले स्थानीयलाई सतर्क गराएको र अनुसन्धानका लागि स्कुलसँगैको सडक बन्द गरिएको स्थानीय सञ्चारमाध्यमले जनाएका छन् ।   

समाचार संस्था एजुकेशनविकका अनुसार यो वर्ष मात्रै हालसम्म अमेरिकाभर स्कुलमा ३८ गोलीबारीका घटना भएका छन्, जसमा कयौंको मृत्यु र कयौं घाइते भएका छन् ।