काठमाडौँ, ८ पौष । नेपाली कांग्रेसका नेता प्रकाशमान सिंहले पार्टी व्यवस्थापन नै अहिले कांग्रेसको मुख्य चुनौति रहेको बताएका छन् ।
आज नेपाल कांग्रेसको सय दिने विशेष अभियानअन्तर्गत काठमाडौं महानगरपालिकाले क्षेत्रपाटीमा आयोजना गरेको कार्यक्रममा बोल्दै उनले क्रियाशील सदस्यताको महत्व पार्टी सदस्यहरूलाई बुझाउनुपर्ने बताए ।
उनले भने, ‘अहिले कांग्रेसका लागि पार्टीलाई व्यवस्थापन गर्न सक्ने कि नसक्ने भन्ने मुख्य सवाल हो,’ ‘क्रियाशील सदस्यको संख्या धेरै छ । तर, क्रियाशील सदस्यहरूलाई सदस्यताको महत्व बुझाउन नसकेको हो कि ? अब बुझाउनुपर्याे ।’ हरेक क्रियाशील सदस्यहरूलाई पार्टीको गतिविधिमा संलग्न गराउनुपर्नेमा उनको भनाइ थियो ।
देशमा प्रजातन्त्र र प्रजातान्त्रिक मूल्य मान्यता ल्याउन धेरै संघर्ष गरेको भन्दै उनले जनताको पटक–पटक विश्वास जितेको पार्टी कांग्रेसको क्रियाशील सदस्यता सामान्य विषय नभएको बताए ।
प्रतिक्रिया दिनुहोस्