सुनसरीमा भेटियो स्वाइनफ्लु 

काठमाडौँ, १६ फागुन । सुनसरीमा अफ्रिकन स्वाइनफ्लु पनि भेटिएको छ ।

केही दिनअघि सुनसरीको कोशी गाउँपालिकामा बर्डफ्लु भेटिएको थियो । दुहबी नगरपालिकामा अफ्रिकन स्वाइनफ्लु भेटिएको हो ।

गत ७ फागुनमा सुनसरीको कोशी गाउँपालिका-६ स्थित सप्तकोशी कृषि फार्ममा बर्डफ्लु देखिएको थियो । त्यसका एकसाता पछि अर्थात १३ फागुनमा दुहबी नगरपालिका–९ र १० मा अफ्रिकन स्वाइनफ्लु भेटिएको हो ।

दुहबी नगरपालिकाका प्रमुख बेदनारायण गच्छदारका अनुसार १३ फागुनमा परीक्षण गर्दा अफ्रिकन स्वाइनफ्लु भेटिएको हो । स्वाइनफ्लुबाट २५ वटा बङ्गुर मरिसकेको उनले बताए । स्वाइनफ्लु देखिएपछि १५ दिनका लागि बङ्गुर ओसारपसार र मासु बिक्री वितरणमा रोक लगाइएको उनले बताए ।