पार्टी सदस्यताको विवरण पठाउन जसपा नेपालको निर्देशन

काठमाडौँ, २९ साउन । जनता समाजवादी पार्टी (जसपा) नेपालले सङ्गठित पार्टी सदस्यताको विवरण पठाउन मातहत समितिलाई निर्देशन दिएको छ ।

पार्टी सदस्यताको नवीकरण र अभिलेखीकरणको रेकर्ड साउन मसान्तसम्म सम्पूर्ण प्रक्रिया पुरा गरी सम्बन्धित प्रदेश समितिलाई पठाउन र केन्द्रीय कार्यालयलाई समेत सोको जानकारी गराउन मातहत समितिलाई निर्देशन दिइएको पार्टीका प्रचार प्रसार तथा प्रकाशन विभाग प्रमुख पूर्ण बस्नेतले जानकारी दिएका छन् ।  

जसपा नेपालको केन्द्रीय कार्यकारिणी समितिको बैठकले आगामी भदौ २५, २६ र २७ गतेभित्र प्रदेश समितिको अधिवेशन गर्ने तय गरेको छ ।