क्यूएफएक्स सिनेमाले आज सबै हल बन्द गर्ने घोषणा

काठमाडौँ, २४ भदौ । क्यूएफएक्स सिनेमाले सोमबार देशभरि भएको जेनजी आन्दोलनमा घटेको ‘दुर्भाग्यपूर्ण’ घटनापछि आजका लागि सबै सिनेमा हल बन्द गर्ने निर्णय गरेको छ ।

कम्पनीले एक विज्ञप्ति जारी गर्दै आज देशभरका सिनेमा हलहरू बन्द गर्ने जनाएको हो । 

विज्ञप्तिमा भनिएको छ, “सोमबारको अकल्पनीय त्रासदीले हामीलाई गहिरो दुख दिएको छ। आफ्ना प्रियजन गुमाएका परिवार, साथीहरू र बालबालिकाप्रति हाम्रो हार्दिक समवेदना व्यक्त गर्दछौँ। घाइते भएका सबैको शीघ्र स्वास्थ्य लाभको कामना गर्दछौँ।”