काठमाडौँ, १५ कार्तिक । लाइसेन्सिङ शुल्कसम्बन्धी विवादका कारण युट्युब टिभीका ग्राहकहरूले ईएसपीएन, एबीसी, र डिज्नी च्यानल लगायत अन्य डिज्नीका च्यानलहरूको पहुँच गुमाएका छन् ।
बिहीबार मध्यरातमा नयाँ सम्झौताको म्याद सकिएलगत्तै ती च्यानलहरू हटाइएका हुन्।
यस ब्ल्याकआउटबाट अमेरिकामा करिब १ करोड ग्राहकहरू प्रभावित भएका छन्। डिज्नीले गुगलको स्वामित्वमा रहेको युट्युब टिभीले सामग्रीको लागि उचित दर तिर्न अस्वीकार गरेको बताएको छ। अर्कोतर्फ, युट्युब टिभीले डिज्नीले प्रस्ताव गरेका शर्तहरू आफ्ना सदस्यहरूलाई बेफाइदा हुने र डिज्नीकै आफ्नै लाइभ टिभी उत्पादनहरूलाई फाइदा पुग्ने खालका रहेको दाबी गरेको छ।
गुगलले यसअघि कमकास्टको एनबीसीयुनिभर्सल, प्यारामाउन्ट, र फक्ससँग अन्तिम क्षणमा सम्झौता गरेको थियो, तर डिज्नीसँगको वार्ता सफल हुन सकेन।
प्रतिक्रिया दिनुहोस्