काठमाडौँ, १२ मंसिर । डाँकाचोरी मुद्दाका एक जना फरार प्रतिवादीलाई प्रहरीले ३८ वर्षपछि पक्राउ गरेको छ ।
जिल्ला प्रहरी कार्यालय स्याङ्जाका अनुसार पक्राउ पर्नेमा स्याङ्जाको पुतलिबजार नगरपालिका–८ घर भएका ६४ वर्षीय बुद्धि बहादुर शाही छन् ।
मंसिर १० मा उनलाई घरबाटै पक्राउ गरिएको हो । उनीविरुद्ध २०४३ माघ ७ मा स्याङ्जा जिल्ला अदालतले ८ महिना ४ दिन कैद सजाय हुने फैसला गरेको थियो ।
उनी पुतलिबजार नगरपालिका वडा नम्बर–८ स्थित गेउडाँडामा भएको डाँकाचोरीमा संलग्न रहेको प्रहरीको अनुसन्धानबाट थाहा भएको छ ।
प्रतिक्रिया दिनुहोस्