एमाले सचिवालय बैठक बस्दै: उम्मेदवारको नामावलीलाई अन्तिम रूप दिने

काठमाडौँ, ३ माघ । नेकपा (एमाले)ले केन्द्रीय सचिवालयको बैठक बोलाएको छ । 

प्रचार तथा प्रकाशन विभागका संयोजक मीनबहादुर शाहीका अनुसार पार्टी केन्द्रीय कार्यालयमा आज दिउँसो १ बजेका लागि बैठक बोलाइएको छ ।

आगामी फागुन २१ गते हुने प्रतिनिधि सभा निर्वाचनका लागि प्रत्यक्षतर्फका उम्मेदवारहरूको अन्तिम टुङ्गो लगाउन बैठक बोलाएको हो । निर्वाचन कार्यतालिका अनुसार माघ ६ गते १६५ वटै निर्वाचन क्षेत्रमा उम्मेदवार मनोनयनको कार्यक्रम रहेकाले एमालेले त्यसअघि नै उम्मेदवारको नामावलीलाई अन्तिम रूप दिन लागेको हो ।