बैतडी, १७ चैत । भारतबाट पैसा चोरेर भागेका एक नेपाली बैतडीबाट पक्राउ परेका छन् ।
राजस्थानबाट १५ लाख भारु पैसा चोरेर भागेका बैतडीको दशरथचन्द नगरपालिका ४ घर भएका ३२ वर्षीय निरजबहादुर चन्दलाई गएराति उनकै घरबाट पक्राउ गरिएको प्रहरीले जनाएको छ ।
भारतस्थित नेपाली दूतावासले पत्राचार गरेपछि भारतको राजस्थानमा काम गर्दै आएका चन्दलाई घरबाटै पक्राउ गरेको जिल्ला प्रहरी कार्यालय बैतडीले जनाएको छ ।
पक्राउ परेका चन्दमाथि थप अनुसन्धान भैरहेको प्रहरीले जनाएको छ ।
प्रतिक्रिया दिनुहोस्