सिरहा, ९ असार । सिरहामा एकजना महिलाले सारीको पासो लाएर झुण्डिएर आत्महत्या गरेकी छिन् ।
शनिबार सप्तरीको खडक नगरपालिका–७ कल्याणपुर घर भएकी २५ वर्षीया सुमनदेवी ठाकुरलाई मोबाइल चोरीको आरोपमा लहानबाट पक्राउ गरी इलाका प्रहरी कार्यालय महेशबारीको हिरासतमा पठाएको थियो ।
आइतबार बिहान महिला थुनुवा सँगै जोडिएको शौचालयको भेन्टिलेसनको रडमा साडीको पासोमा झुन्डिएको अवस्थामा ठाकुरको शव फेला परेको प्रहरी उपरीक्षक उमाप्रसाद चतुर्वेदीले जानकारी दिए ।
इलाका प्रहरी कार्यालय लहानको हिरासतमा राख्न ठाउँ नभएको कारण ठाकुरलाई पक्राउ गरी इलाका प्रहरी कार्यालयको थुनुवामा पठाइएको एसपी चतुर्वेदीले बताए ।
उक्त घट्नाबारे थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस्