प्रहरीलाई आर्थिक प्रलोभनमा पार्न खोज्ने दुई जना पक्राउ

काठमाडौँ, १० भदौ । काठमाडौँ महानगरपालिका-३१ ठुलो खरीबोट चोकस्थित डिउटीमा खटिएको प्रहरीलाई नगद २ हजार रुपैयाँ दिई आर्थिक प्रलोभनमा पार्न खोजेको अभियोगमा दुई जना पक्राउ परेका छन् ।

पक्राउ पर्नेमा काठमाडौँ सिनामंगल बस्ने काभ्रे घर भएका २८ वर्षीय मनोज तिमल्सिना र काठमाडौं सिनामंगल बस्ने भारत मोतिहारी घर भएका २३ वर्षीय अरुण कुमार जैसवाल रहेका छन् । महानगरीय प्रहरी बृत्त बानेश्वरबाट खटिएको प्रहरीले बा।६० प ४१६८ नम्बरको मोटरसाइकल जाँच गर्ने क्रममा चालक तिमल्सिना र मोटरसाइकलमा सवार जैसवालले मादक पदार्थ सेवन गरेको अवस्थामा फेला पारी कारवाही गर्ने क्रममा उनीहरुले उक्त रकम प्रहरीलाई दिन खोजेका थिए ।