करेन्ट लागेर एक जनाको मृत्यु

काठमाडौँ, १० असार । दोलखामा करेन्ट लागेर बुधबार एक जनाको मृत्यु भएको छ ।

घरदेखि अन्दाजी १ किमी दक्षिणतर्फ रहेको आफ्नै खेतमा रोपाइँका लागि मोटरबाट पानी तान्ने क्रममा अचानक करेन्ट सर्ट हुँदा मेलुङ गाउँपालिका–७ ज्यामिरेका ३० वर्षीय सुवास कार्कीको मृत्यु भएको हो ।

गम्भीर घाइते भएका उनको धुलिखेल शाखा अस्पताल किर्नेटारमा उपचारको क्रममा मृत्यु भएको दोलखा प्रहरीले जनाएको छ । मृतकको शवलाई पोष्टमार्टमका लागि प्राथमिक स्वास्थ्य केन्द्र चरिकोट तर्फ पठाइएको र घटनाबारे थप अनुसन्धान भइरहेको प्रहरीले जनाएको छ ।