काठमाडौँ, २४ जेठ । सेयर बजार परिसूचक नेप्सेमा आज पनि घटेको छ ।
मंगलबार नेप्से ४५.५९ अंकले गिरावट हुँदा २०२०.२३ अंकमा बन्द भएको छ । बजेट पछिको सात कारोबार दिनमा नेप्से २०३.५५ अंकले घटेको हो । जेठ १३ गतेयता कारोबार भएको हरेक दिन नेप्सेमा गिरावट भइरहेको छ । पछिल्लो ८ दिनमा मात्रै नेप्से २१९.३७ अंकले घट्यो ।
मंगलबार नेप्सेसँगै सबै उपसूचकमा गिरावट आएको छ । आजको दिन बजारमा १ अर्ब ३१ करोड २८ लाखको कारोबार भएको छ । आज कारोबार भएकोमध्ये एनआइसी एशिया बैंकको सवार्धिक ६ करोड १२ लाखको कारोबार हुँदा कुमारी बैंकको ५ करोड ८८ लाख र हिमालयन डिस्टिलरीको ३ करोड ७५ लाखको कारोबार भएको छ ।
आज दिनभर बजारमा १९६ कम्पनीका सेयर कारोबार भएकोमा १८१ कम्पनीको सेयरमूल्य घटेको छ । यस्तै, १५ कम्पनीको सेयरमूल्य भने स्थिर रहेको छ ।
प्रतिक्रिया दिनुहोस्