करेन्ट लागेर एक जनाको मृत्यु

काठमाडौँ, १२ वैशाख । करेन्ट लागेर विद्युत् प्राधिकरण सुर्खेतका एक कर्मचारीको मृत्यु भएको छ ।

विद्युत् प्राधिकरण सुर्खेतका सूचना अधिकारी बेनी नेपालीले अनुसार वीरेन्द्रनगर नगरपालिका–३, तातापानीका अन्दाजी २८ बर्षीय विशाल केसीको मृत्यु भएको हो ।

बराहताल गाउँपालिका–८, कुनाथरी भन्ने ठाउँमा विद्युत् मर्मत गर्ने क्रममा उनलाई मंगलबार करेन्ट लागेको थियो । करेन्ट लागेर घाइते उनलाई प्रदेश अस्पताल लगिएको थियो ।  चिकित्सकहरुले  बेलुका ८ बजेतिर उनको मृत्यु भएको घोषणा गरेका थिए ।