दुई महिनामा भित्रिए ९ सय विद्युतीय गाडी

काठमाडौँ, ७ असोज । आर्थिक वर्ष २०८०/०८१ को दुई महिना साउन र भदौमा करिब ९ सय वटा विद्युतीय गाडी (ईभी) नेपाल भित्रिएका छन् ।  भन्सार विभागको तथ्यांक अनुसार दुई महिनामा ९ सय वटा विद्युतीय जिप, कार र भ्यान नेपाल भित्रिएका हुन् ।

यसमा ५० किलोवाटसम्मका २५५, १०० किलोवाटसम्मका ६३१, २०० किलोवाटसम्मका ९ र त्यसभन्दा माथिका ३ ईभी रहेका छन् । सबैभन्दा बढी चीनबाट ५७५ र भारतबाट ३१७ ईभी नेपाल भित्रिएका छन् भने जर्मनीबाट २ र इन्डोनेसियाबाट ४ गाडी नेपाल भित्रिएका छन् ।