न्यायाधीश मरासेनीको निधनमा वाग्मती प्रदेशका अदालत बन्द 

काठमाडौँ, १७ माघ । उच्च अदालत पाटनका न्यायाधीश मातृकाप्रसाद मरासेनीको निधनमा आज वाग्मती प्रदेशका उच्च र जिल्ला अदालतमा बिदा दिइएको छ । 

मंगलबार न्यायाधीश मरासेनी घरमै बेहोस भएका थिए । उनलाई अस्पताल पुर्‍याएको केही समयमा नै चिकित्सकले मृत घोषणा गरेका थिए । 

न्यायाधीश मरासेनीको निधनको शोकमा उच्च अदालत पाटन, हेटौँडा इजलास र मातहतका सम्पूर्ण जिल्ला अदालतमा शोक बिदा दिने निर्णय भएको उच्च अदालत पाटनको सूचनामा भनिएको छ ।