गण्डकी सरकारविरुद्धको रिटमा आज पेसी

काठमाडौँ, २७ वैशाख । गण्डकी प्रदेश सरकारविरुद्ध रिटमा आजलाई पेसी तोकिएको छ ।

प्रदेश सरकारले पाएको विश्वासको मतको विषयलाई लिएर मंगलबार कांग्रेस गण्डकी प्रदेशसभा संसदीय दलका नेता सुरेन्द्रराज पाण्डेले दायर गरेको सर्वोच्च अदालतमा रिट दर्ता गराएका थिए ।  दायर रिटमा गण्डकीका मुख्यमन्त्री खगराज अधिकारी र मन्त्रिपरिषद्को कार्यालय पोखरा समेतलाई विपक्षी बनाइएको छ । 

गएको आइतबार प्रदेशसभामा मुख्यमन्त्री खगराज अधिकारीले राखेको विश्वासको मतबारेको प्रस्तावमा सभामुख कृष्ण धितालले ६० सदस्यमा ३० सांसदको समर्थनलाई विश्वासको मत प्राप्त भनी गरेको घोषणा गरेपछि कांग्रेसले अदालतको ढोका ढकढक्याएको हो ।