राजनीति

राजस्व छली रोक्न प्रधानमन्त्री दाहालको निर्देशन



काठमाडौँ, १० चैत । प्रधानमन्त्री पुष्पकमल दाहालले राजस्व छली रोक्न सम्बन्धित निकायलाई निर्देशन दिएका छन् ।

बिहीबार सिंहदरबारमा जुत्ता चप्पल व्यवसायीहरुसँगको छलफल कार्यक्रममा प्रधानमन्त्री दाहालले आन्तरिक राजस्व कार्यालय, राजस्व अनुसन्धान विभाग र वाणिज्य विभागलाई संयुक्त रुपमा बजार अनुगमन गरेर प्रभावकारी बनाउन निर्देशन दिएका हुन् । प्रधानमन्त्रीले छलफलको क्रममा राजस्व छली नियन्त्रणसम्बन्धी सबै नीतिगत व्यवस्था गर्न आवद्ध निकायको ध्यानाकर्षण गराएका थिए ।

प्रधानमन्त्री दाहलले भने, ‘नीतिगत व्यवस्थालाई प्रभावकारी रुपमा कार्यान्वयनमा लैजान पर्छ । बजारको सशक्त र प्रभावकारी अनुगमन गर्न आन्तरिक राजस्व कार्यालय , राजस्व अनुसन्धान विभाग र वाणिज्य विभागले समन्वयन गर्नुस् । अवैध आयात नियन्त्रण गर्न राजस्व अनुसन्धान विभाग, सुरक्षा निकाय र स्थानीय प्रशासनले संयुक्त टोली परिचालन गर्नुस् ।’ यो समाचार आजको कारोबार दैनिकमा छ ।