सांसद विकास कोष राख्न सुझाव आएको छ : अर्थमन्त्री महत

काठमाडौँ, २ जेठ । अर्थमन्त्री डा. प्रकाशशरण महतले सांसद विकास कोष राख्न सुझाव आएको बताएका छन् ।

तत्कालीन अर्थमन्त्री विष्णु पौडेलले आर्थिक वर्ष २०७८/७९ को बजेटबाट सांसद विकास कोषको नाममा दिने गरेको बजेट हटाएका थिए ।

आज आयोजित पत्रकार सम्मेलनमा डा. महतले भने, ‘सांसद विकास कोष राख्न सुझाव आएको छ । बजेटको सीमितता छ । यसमा कुनै निष्कर्षमा पुगिएको छैन ।’