प्रधानमन्त्री प्रचण्डले फागुन ३० गते विश्वासको मत लिने

काठमाडौँ, २६ फागुन । प्रधानमन्त्री पुष्पकमल दाहाल ‘प्रचण्ड’ले अब बस्ने प्रतिनिधिसभा बैठकबाट विश्वासको मत लिने तयारी गरेका छन् ।

यसबारे उनले नेकपा (माओवादी केन्द्र)का सांसदहरूलाई जानकारी गराएका छन् । शनिबार बसेको माओवादी केन्द्र संसदीय दलको बैठकमा सो पार्टीका अध्यक्ष समेत रहेका प्रधानमन्त्री प्रचण्डले छिट्टै विश्वासको मत लिने जानकारी गराए हुन् ।

प्रतिनिधिसभाको बैठक यही फागुन ३० गते बिहान ११ बजे बस्ने गरी बोलाइएको छ । सोही दिन नै विश्वासको मत लिने तयारी भएको बताइएको छ  ।