काठमाडौँका केही स्थानमा विद्युत् सेवा अवरुद्ध हुने  

काठमाडौँ, २३ वैशाख । काठमाडौँका केही स्थानमा आज विद्युत् आपूर्ति सेवा प्रभावित हुने भएको छ ।

गोठाटार फिडरअन्तर्गत जोरपाटी वितरण केन्द्रका विद्युतीय वितरण लाइन भूमिगत गर्न लागिएकाले विद्युत् सेवा प्रभावित हुने भएको प्राधिकरणले जनाएको छ । 

आज फोर्स बसपार्कदेखि तेजबिनायक चोकसम्म विद्युत् सेवा प्रभावित हुने भएको हो । बिहान ११ बजेदेखि दिउँसो ३ बजेसम्म विद्युत् आपूर्ति अवरुद्ध हुने प्राधिकरणले जनाएको छ ।