नेपालबाट बर्ड फ्लु (एच५ एन१)को परीक्षणका लागि एक सय ७९ जनाको घाँटीको र्याल (थ्रोट स्वाब) नमुना संकलन गरी जापान पठाइएको छ ।
नेपालमा बर्ड फ्लु (एच५ एन१) बाट एकजनाको मृत्युभएपछि उनको उपचारमा संलग्न डाक्टर, नर्स, स्वास्थ्यकर्मी तथा उनको नजिक रहेका एक सय ७९ जनाको नमुना संकलन गरी परीक्षणका लागि जापान पठाइएको हो ।
स्वास्थ्य मन्त्रालय अन्तर्गतको निकाय इपिडिमियोलोजी तथा रोग नियन्त्रण महाशाखाले जापानको डब्लुएचओ कोलाबोरेटिङ सेन्टर फर इन्फ्लुएन्जा प्रयोगशालामा गत सोमबार नमुना पठाएको हो ।
बर्ड फ्लुबाट मृत्यु भएका व्यक्तिको नेपाल मेडिकल कलेजको शिक्षण अस्पताल र ओम अस्पतालमा उपचार भएको थियो । काभ्रे घर भई भक्तपुर बस्दै आएका २१ वर्षिया युवाको गत चैत १५ मा उपचारका क्रममा मृत्यु भएको थियो ।
युवकको मृत्यु लगत्तै विश्व स्वास्थ्य संगठन, फुड एन्ड एग्रिकल्चर अर्गानाइजेसन, वल्र्ड फुड प्रोगाम, नेपालका चिकित्सक सहित ३५ जनाको टोलीले यो विषयमा अध्ययन अनुसन्धान गरिरहेका छन् ।
प्रतिक्रिया दिनुहोस्